അന്റോണിയന് ക്ലബ്ബിന് ലോഗോ കണ്ടെത്തുവാനായി കുട്ടികള്ക്കിടയില് നടത്തിയ ലോഗോ നിര്മ്മാണ മത്സരത്തില്, അന്ന് ഒന്പതാം ക്ലാസ് വിദ്യാര്ഥിനിയും പൂഞ്ഞാര് സ്വദേശിനിയുമായ മനീഷ ബേബിയുടെ സൃഷ്ടി ഞങ്ങളെ അത്ഭുതപ്പെടുത്തി. ലോഗോയുടെ ചിത്രം ഒന്നു നോക്കൂ.. എന്നിട്ട് തുടര്ന്നുള്ള ഭാഗം വായിക്കൂ..  |
മനീഷ ബേബി
|
ഇടത്തേക്ക് ചെരിഞ്ഞ് ഇംഗ്ലീഷ് അക്ഷരം A പോലെയും വലത്തേക്ക് ചെരിഞ്ഞ് വെള്ള നിറത്തിലുള്ള വളയംപോലെയും കാണപ്പെടുന്നത് Antonian Club എന്നതിലെ A, C എന്നീ അക്ഷരങ്ങള് തന്നെയാണ്. അതില് A-യുടെ മുകളിലായി ഒരു കുത്ത് (കുട്ടിയുടെ തല) വരുന്നതോടെ, ക്ലബ്ബ് പ്രവര്ത്തനങ്ങളിലൂടെ സമഗ്രവളര്ച്ചയിലേക്ക് കുതിക്കുന്ന കുട്ടിയുടെ ചിത്രമായി അത് മാറുന്നു. വെള്ള വളയം ക്ലബ്ബിന്റെ ഓണ്ലൈന് പ്രവര്ത്തനങ്ങളെയും വേള്ഡ് വൈഡ് വെബ്ബിനെയും (www) സൂചിപ്പിക്കുന്നു. തുറന്ന പുസ്തകം അറിവ് സമ്പാദനവും പുസ്തകത്തില് എഴുതുന്ന പേനയായി വാള് കാണിച്ചിരിക്കുന്നത് അക്ഷരത്തെ പടവാളാക്കുക എന്നതും അര്ഥമാക്കുന്നു. വളരെ അര്ഥവത്തായ ഒരു ലോഗോയാണ് മനീഷ അന്റോണിയന് ക്ലബ്ബിന് സമ്മാനിച്ചത്. ഇപ്പോള് എം.എസ്.സി. മൈക്രോബയോളജി പഠനം പൂര്ത്തിയാക്കുന്ന മനീഷയെ (ക്ലബ്ബിന്റെ ആദ്യ ബാച്ച് അംഗവുമാണ്) ഈ പത്താം വാര്ഷിക വേളയില് അഭിമാനത്തോടെ ഓര്മ്മിക്കുന്നു.
 |
ലോഗോ നിര്മ്മാണ മത്സരത്തില് ഒന്നാം സ്ഥാനം നേടിയ മനീഷ ബേബിക്ക് സ്കൂള് മാനേജര് ഫാ. ചാണ്ടി കിഴക്കയില് സി.എം.ഐ. പുരസ്ക്കാരം നല്കുന്നു.
|
No comments:
Post a Comment